Пакетот на мерки на СДС и ДУИ е пакет за мерки за поткуп на граѓаните, тврдат од ВМРО-ДПМНЕ. Оваа власт како што велат краде од болните со рак на Онкологија а сега ќе го спасува народот со илјада денари.
– Пакетот на мерки на СДС и ДУИ е пакет за мерки за поткуп на граѓаните. Тоа е брутално и нечовечко потценување на социјално ранливите граѓани, пензионерите. Милиони евра за коцкарниците на Артан Груби, милиони евра бизниси за соларниот бизнис на Ковачевски, 2 милијарди евра за бизниси на фирми на ДУИ и СДС, за градба на коридорите, илјадници евра од час копање во РЕК, а за народот илјадарче до две таканаречена поддршка.
Инфлацијата која порасна со оваа власт за 200 посто, ги поскапе сите производи. Таа поддршка на граѓаните, која оваа влада ја дава, се јаде во првиот ден од месецот.
Оваа власт краде од болните со рак на Онкологија а сега ќе го спасува народот со илјада денари.
Знаат дека паѓаат и оваа власт, панично се труди со потценување на народот, да спаси мал процент од тоа што не може да се спаси, се вели во сопштението на ВМРО-ДПМНЕ
Од партијата уште еднаш нагласија дека е важно што поскоро одржување на избори.
