ВМРО-ДПМНЕ: Полицијата апси продавачи на марули, а не ги следи повратниците од ИСИС

Министерот за внатрешни работи, Оливер Спасовски треба да одговори дали има повратници од боиштата во Сирија и Ирак кои биле дел од ИСИС и АЛ-КАЕДА кои не се дел од листата „Безбеден град“ на МВР, се вели во денешнотo соопштение на ВМРО-ДПМНЕ. Освен нив од оваа листа се испуштени и членови од нарко-бандите, тврдат од оваа партија.

– Со Оливер Спасовски на чело на МВР, Македонија се претвори во башибозлук. беззаконието владее, криминалците и мафијашите хараат, полицијата е нем сведок, а не ретко и им дава заштита на оние кои го кршат законот. Затоа во Македонија се случуваат ликвидации среде Скопје, затоа дилери се фотографираат со функционери од власта, а мафијаши се сликаат во кабинети.

Спасовски бега од јавноста и не дава одговори, иако е најповикан за ваквата ситуација во државата. Тој треба да одговори дали е извршен претрес во домот на пријателот на директорот на БЈБ, Сашо Тасевски кого целата јавност го виде како пука со калашников?

Спасовски треба да каже како лице кое има криминален беграунд и е дел од листата за проверки “Безбеден Град“ добило дозвола за пиштол?

Спасовски треба да одговори дали има повратници од боиштата во Сирија и Ирак кои биле дел од ИСИС и АЛ-КАЕДА кои не се дел од листата Безбеден град? Дали Спасовски е свесен дека ваквите лица може да се сериозна закана за безбедноста? Дали и членови од нарко бандите во Скопје, намерно се испуштени од оваа листа, затоа што некому во полицијата тоа му одговара така? Дали Спасовски сузбива диви продавачи на марули на пазари и апси лица со воздушни пушки, а сериозни криминалци не се дел од мерките на полицијата, прашуваат од ВМРО-ДПМНЕ.

Од оваа партија уште еднаш побараа оставка од министерот Спасовски.

 

 

Претходна вестПо повод Светскиот ден на театарот, публиката ќе може бесплатно да ја гледа претставата „Само глас“ во МНТ
Следна вестТеодосиј Гологанов сака да се откаже од својата улица во Скопје