Утре вечер, во атарот на црквата „Света Петка“ во охридското село Велгошти ќе се одржи традиционалната културна манифестација „Вечер на Живко Чинго“ во организација на општина Охрид.
Чествувањето започнува со полагање цвеќе пред спомен-обележјето на Живко Чинго, по што ќе има обраќање на претставник на Општина Охрид и доделување на наградата за најдобар расказ.
Беседа за Живко Чинго ќе одржи Паско Кузман, по што следува Живко Чинго како инспирација во творечкиот опус на Гоце Џуклески, а манифестацијата ќе биде заокружена со културно – уметничка програма.
Манифестацијата почнува во 20.00 часот.