Во македонскиот парламент денеска започна седницата на Постојаната анкетна комисија за заштита на граѓанските права и слобода. На неа се разгледува претставката на здружението на родителите на загинатите во кочанската дискотека.
ПокRај пратениците, на седницата се присутни и родители и блиски на загинатите. Воведното излагање го имаше Марија Петрушова, мајка на една од жртвите, таа побара вистинска правда за загинатите, нагласувајќи дека трагедијата е резултат на системски пропусти и корупција.
Таа оцени дека е симптоматично што со истрагата и обвинението се опфатени само поранешни функционери и службеници од пониско ниво, додека одговорните кои ја вршеле функцијата и во времето на трагедијата не се опфатени.
Инаку, присутни на комисиската седница која ја закажа пратеникот Димитар Апасиев се и претседателката на државата Гордана Силјановска Давкова и претседателот на Владата Христијан Мицкоски.
МОЖЕБИ ЌЕ ВЕ ИНТЕРЕСИРА:
