Доколку државното раководство на РСМ навистина има желба за влез во Европската Унија, мора да ја исполни Преговарачката рамка и договорот за добрососедство, изјави денеска бугарскиот претседател Румен Радев. Одговарајќи на новинарски прашања во Баку, по средбата со македонската претседателка Гордана Сиљановска Давкова тој порача дека Северна Македонија не треба да губи време. .
-Со претседателката Сиљановска ова ми беше трета средба и мислам дека тонот на односите, конструктивен дијалог, прагматичен и отворен дијалог што го поставуваме со претседателката на Република Северна Македонија, Гордана Силјановска, треба да го усвои и владата на РСМ. Двете претседателски институции покажуваат дека дијалогот е можен, туку може да биде отворен, конструктивен и може да придонесува за развојот за добрососедство меѓу нашите две држави. Не е проблемот само со навремено внесување на во Уставот на Северна Македонија. Ние очекуваме владата и парламентот на Северна Македонија поскоро да го спроведе сето што е предвидено во Преговарачката рамка и во Договорот за добрососедство, за Република Северна Македонија да не губи историско време за своето членство, рече Радев.
На новинарско прашање од бгуарските новинари дали гледа желба од македонска страна за членство во Европската унија или постои друга насока на македонската дипломатија, одговори:
-Се ќе стане јасно во блиска иднина. доколку државното раководство на РСМ навистина има желба за влез во Европската Унија, мора да ја исполни Преговарачката рамка и договорот за добрососедство. Тоа е многу јасно, одговори Румен Радев.
Тој додаде дека тонот на двете претседателски институции треба да го следи и Владата на РСМ.
-Мојот став е дека владата на државата треба да работи така што да не гледаме јазик на омразата. Мојот став е во такви ситуации да размениме информации зошто не прилега јазик на омразата во националните, државни работи. Ние можеме да започнеме работа, како гест на добра волја да се променат некои текстови во учебниците кои не говорат добро за нашата држава. Зборувам за учебниците во Северна Македонија. Тоа може да тече паралелно и да придонесува за градба на доверба. Очекувам да одиме во таа насока. Инаку во Северна Македонија, едноставно народот во Северна Македонија губи историско време, заклучи Радев.
