Поранешниот премиер Зоран Заев и поранешниот министер за здравство Венко Филипче се обиделе да стекнат сопствеништво над болницата „Жан Митрев” за време на ковид-пандемијата, додека биле на власт, преку институционален притисок и уцени, велат од ВМРО-ДПМНЕ. Самиот д-р Жан Митрев го потврди ова на ТВ Алфа.
Според неговото сведоштво, тоа се случувало во екот на судскиот процес против него, кога биле блокирани неговите лични средства и сметките на болницата, а му била воведена и забрана за продажба на удели.
Митрев изјави дека постоеле реални контакти, вклучително и „на писмено”, за преземање на болницата под пазарната вредност, во замена за олеснување или ослободување од обвиненијата.
Од ВМРО-ДПМНЕ бараат Јавното обвинителство неселективно да ги истражи сите наводи.
