И треба ли на Македонија техничка влада пред секои избори или тоа е веќе бреме кое не ги олеснува процесите како што беше замислено? Прашањето се наметна по иницијативата на премиерот Христијан Мицкоски на лидерска средба да се расправа за нејзино укинување.
За да се даде одговор на прашањето најдобро е да се види како техничките влади функционираа низ годините од 2015 година кога беше накалемена во македонскиот политички систем. Поделби внатре во владата, кавги, застои, нефункционалност оти имаше и врзани потписи на функционери од две различни опции, застој во економијата… беа дел од придобивките на техничката влада.
Време ли е ваквиот правен експеримент да се поправи? Се помалку носи корист за државата, а се повеќе наметнува импровизации и дисфункционалност на системот. 
Партиите мора добро да размислат дали Македонија треба да остане единствена држава во Европа со вакви накалемени системи. Теснопартиските интереси овде не треба да се гледаат.
