Вчера околу 21 часот, во скопското село Крушопек, полициски службеници од СВР Скопје привеле четири лица по пријава за насилен инцидент што се случил во дворот на магацин во селото Лака.
Од слобода биле лишени И.Д. (30), А.Д. (36), Б.Д. (65) и Н.Д. (42), сите жители на Крушопек. Според пријавата, тие физички ги нападнале М.Н. (50) од истото село, неговиот брат и неговиот син, при што биле користени и остри предмети.
Во полициското соопштение се наведува дека нападнатите лица возвратиле на нападот, по што бил повикан полициски тим кој интервенирал на местото на настанот.
Се преземаат мерки за целосно расчистување на случајот.
МОЖЕБИ ЌЕ ВЕ ИНТЕРЕСИРА:
