Македонската ракометна репрезентација дефинитивно нема да биде дел од Мундијалот во Египет, откако Светската ракометна федерација последниот слободен билет за учество и го додели на чилеанската селекција.
Надеж за Македонија за учество на Светското првенство, кое ќе се одржи следната година се отвори после одложениот турнир „Последна шанса“ во Средна и Јужна Америка поради коронавирусот. Сепак, Чиле како најдобра селекција од учесничките ја доби довербата од ИХФ.
Со губењето на последната шанса за учество на СП, Македонија стави точка на еден добар низ настапи на големите собири кој започна 2009 година во Хрватска.
Избраниците на селекторот Данило Брестовац после завршување на сапуницата околу билетот за учество на Мундијалот, комплетно можат да се фокусираат на квалификациите за ЕП, кои го започнаа со две победи, над Финакс и Швајцарија.
