Поскапеа билетите во Драмски, Филхармонија и МОБ, инстутуции кои се целосно финасирани од буџетот. Поскапувањето предизвика реакции од страна на граѓаните дека со ова се оневозможува пристапот до културата и уметноста во главниот град, со оглед на тоа што цените се скоро покачени дупло.
Пример во МОБ сега билетите се по 800, 1.000 и 1.200 денари, а порано беа по 300, 400 и 500 денари, додека во Драмски до пред неколку години билетите беа по 300 па поскапеа на 500, а сега највисоката цена е 1.000 денари.
Од посочените инстутуции велат дека високите цени се должат на гостувањата на гости однадвор кои треба дополнително да се платат. Додека Министерството за култура вели дека цените биле умерено коригирани. 
