Вториот најнаселен град во Австралија, Мелбурн, ќе воведе петдневен целосен карантин, откако во карантински хотел се регистрирани 13 случаи на заразени со корона вирус.
Потврдено е дека се работи за британската мутација на вирусот, која е позаразна и побрзо се шири.
Премиерот на Викторија, Дениел Ендруз најавувајќи го карантинот, рече дека од полноќ се забрануваат јавни собири, домашни забави, венчавки и верски собири.
Во врска со Отвореното првенство на Австралија, кое трае до 21 февруари, Ендруз истакна дека тенискиот турнир се смета како работен простор за кој важат новите ограничувања.
– Нема публика, само минимален број персонал, за да може безбедно да се работи. Овие луѓе се всушност на своето работно место, рече тој.
