Во моментов на територија на Град Скопје има три активни пожари.
Од скопската Територијална противпожарна единица велат дека првиот е во населбата Маџир Маало, на улица „Ѓуро Ѓоновиќ“ број 65, во напуштена куќа во близина на новата Железничка станица. Во гаснење на пожарот се интервенира со три противпожарни возила и 10 пожарникари.
Вториот пожар е во штала во Кондово, во чие гаснење учествуваат две противпожарни возила со седум пожарникари, а третиот е на обиколницата во близина на „Еуроактива“ кон Блаце, каде што се интервенира со две возила и седум пожарникари.
