Четири лица се потешко а едно полесно повредени во сообраќајна незгода што се случила вчера попладне кај Велестово. Полицијата соопшти дека на 17.07.2022 во 16.25 часот во СВР Охрид, пријавено е дека на локален пат во близина на охридското село Велестово се случила сообраќајна несреќа помеѓу патнички моторни возила „Рено“ со охридски регистарски ознаки, управувано од А.Ѓ.(26) и „Нисан“ со скопски регистарски ознаки, управуван од М.Д.(37) од Скопје.
-Притоа, со тешки телесни повреди, констатирани во Општата болница во Охрид, се здобиле возачот на возилото „Рено“, како и сопатниците Л.Ј.(22), Г.Ш.(41), Б.Т.(54), сите од Охрид, додека со телесни повреди се здобил В.Ч.(56) од Охрид. Увид на местото извршиле полициски екипи, се наведува во соопштението.
