На подрачјето на Македонија времето денеска наутро ќе биде студено, по одделни котлини со појава на магла или ниска облачност. Преку денот сончево со мала до умерена локална облачност и со слаб југоисточен ветер.
Температурите ќе се движат од -4 до 11 целзиусови степени.
Во Скопје наутро студено со појава на магла, преку денот сончево со мала до умерена облачност. Температурите ќе стигнат до 6 целзиусови степени.
Инаку, денеска и календарски започна најстуденото годишно време во годината – зимата. Зимата започнува на северната хемисфера на Земјата и ќе трае до 20 март, додека летото ќе започне за жителите на јужната хемисфера.
На денот на почетокот на зимата, денот е најкраток, а ноќта е најдолга. Сонцето денеска изгреа во 7 часот и 12 минути, а ќе зајде во 15 часот и 59 минути.
