Поранешниот директор на Роскосмос и шеф на специјалниот одред на воени советници „Царски Волци“ Дмитриј Рогозин, кој беше ранет во Доњецк, испратил фрагмент од граната извадена од неговиот врат на францускиот амбасадор во Русија, Пјер Леви.
Претходно, Истражниот комитет изјави дека гранатата испукана во хотелот во Доњецк на 21 декември, кога Рогозин беше ранет, можела да биде истрелана од француската хаубица Цезар, пренесува РИА Новости.
– Со задоволство се сеќавам на нашата комуникација, заеднички патувања на Бородинското поле и на Бајконур. Тогаш разговаравме многу и често за перспективите на руско-француската политичка и економска соработка. За жал, односот на вашата земја и земјите од НАТО и растот на воената закана за Русија во близина на нашата граница доведе до трагичен исход, наведува Рогозин во писмото доставено до францускиот амбасадор.
