Денес попладне кај скопско Зелено пазарче, 19-годишниот Е.А. од Штип ја нападнал и ограбил С.Т. од Скопје од која одзел накит. По интервенција на полицијата, крадецот е веднаш лишен од слобода.
– Осомничениот веднаш по извршувањето на тешката кражба бил пронајден и приведен во станица. Кај него е пронајден и одземен накитот кој го украл, а истиот веднаш бил вратен на сопственичката, информира МВР.
Крадецот е задржан во полициска станица и по целосно документирање на случајот, против него ќе биде поднесена соодветна пријава.
