Лери Пирсон од Тексас е осуден на 70 години затвор затоа што плукал по полицајци, пишува Њујорк пост.
Инцидентот се случи за време на неговото апсење минатиот мај во Лабок. Тој беше уапсен под обвинение за семејно насилство, откако наводно удрил жена неколку пати по лицето, при што имала повеќе видливи повреди.
Пирсон се налутил кога полицајците не ја уапсиле жртвата и почнал да ја клоца вратата на полициското возило.
Откако двајца полицајци ја отвориле вратата и побарале тој да престане да удира, Пирсон ги плукнал и продолжил да го прави тоа дури и откако пристигнал во притворот. Судот подоцна го прогласи за виновен за вознемирување на јавен службеник.
Обвинителката побара од поротата да испрати порака до осомничениот и општеството со нивната казна.
Пирсон има претходни пресуди за тешки кражби и семејно насилство. Поради ова, тој се соочи со минимална затворска казна од 25 години за време на судењето.
„ Ако имате намера да живеете криминален живот, тоа ќе го правите меѓу другите криминалци во затвор, рече Горман во судот.
Џим Шо, неговиот бранител, им кажа на поротниците дека казната е изречена за едноставен прекршок што излегол од контрола.
„ Нема да добиете 70 години за вакво нешто ако никогаш досега не сте биле во неволја, одговори Горман..
