Капитенот на одбојкарската репрезентација на Македонија, Никола Ѓоргиев освои уште една титула со АЦХ Волеј Љубљана. Во главниот град на Словенија, Ѓоргиев и неговиот тим во финалната серија со 3:0 славеа победа против Калчит Волеј.
Ова е трет трофеј за Ѓоргиев сезонава откако претходно го освоија Купот на Словенија и МЕВЗА лигата.
Од трибините Ѓоргиев имаше поддршка и од поранешниот кошаркарски репрезентативец, Владо Илиевски, но и еден од македонските најверни навивачи популарниот Кипре.
