Голема манта познато како морски ѓавол е извлечена од длабочините на морето кај Бигово во Црна Гора! Инстаграм профилот Подгорица времеплов објави неколку фотографии од Бигово на кои се гледа манта која наводно била „фатена со мрежа“ на длабочина од повеќе од 100 метри.
Мантата е вид на голема ража која може да достигне ширина до седум метри, а поради специфичната форма ја нарекуваат и „морски ѓавол“.
– Мантата е една од најголемите риби кои живеат во океаните. Поради необичниот распоред на пекторалните перки, кои формираат еден вид рогови на главата, мантата го добила името „морска ѓаволска риба“. Но, немаат ништо „ѓаволско“ во нивниот начин на живот и однесување. Манта рибите се мирни суштества, тие се хранат со планктони, истиснувајќи ги од водата. Рибата манта е позната по својата способност да скока високо од водата (на висина од еден и пол метар). Кога голем поединец ќе падне во водата по скок, се слуша звук сличен на гром, кој се слуша неколку километри во близина, се наведува покрај фотографијата.
Сепак, наместо пофалби и честитки, рибарите беа осудени од јавноста за фотографирање со мртвата ража.
Манта ражите се строго заштитени во меѓународните води од 2011 година како „ранлив вид на зголемен ризик од истребување“ и многу земји забрануваат нивно ловење.
