Пожр ноќеска избувнал во подрумските простории во зградата на Основниот суд Куманово. Како што соопштуваат од Регионалниот центар за управување со кризи (РЦУК) пожарот избувнал по 1 часот по полноќ.
-ТППЕ Куманово бележи интервенција во текот на ноќта на опожарени простории на зградата на Основен Суд Куманово во 01,35 часот . Опожарен е подрумскиот дел на зградата каде се наоѓа архивата на судот. Единицата во текот на ноќта делуваше со два камиони и 7 пожарникари. Пожарот е локализиран, екипата е сеуште е на терен, соопштува РЦУК.
На вработените им било кажано да не доаѓаат на работа, бидејќи нема услови за работат поради пожарот во судот.
Надлежните сега ќе треба да утврдат што се е изгорено од судската архива. Односно, дали во пожарот се изгубени и важни документи од судската работа. Пожарот го отвора и прашањето за безбедноста на ваквите архиви.