Македонската кошаркарска репрезентација до 20 години обезбеди пласман во четвртфиналето на Европското првенство од Б дивизијата во Скопје. Тие вчера ја совлада Република Ирска со 77-66 во завршниот натпревар од групата А.
Следен противник на репрезентацијата ќе биде Велика Британија. Натпреварот ќе се одигра в петок во СРЦ Кале.
Македонските кошаркари рутински ја забележаа третата победа во четвртиот натпревар и завршија првопласирани во групата А. Најефикасен во македонските редови одново беше центарот Теодор Симиќ со 17 поени.
Пласман во елитната А дивизија ќе обезбедат трите првопласирани репрезентации на Европското првенство во Скопје.
