Бугарски државјанин поминал на црвено, па се обидел да поткупи полицајци

Бугарски државјанин поминал на црвено, а потоа се обидел да поткупи полицајци. Тој бил приведен.

– Вчера околу 14 часот во Скопје полициски службеници од ПС Кисела Вода го привеле 60-годишниот Б.Е.Г. од Петрич, Република Бугарија поради сторено кривично дело „давање поткуп. Имено, Б.Е.Г. бил сопрен од полициските службеници откако сторил сообраќаен прекршок односно со товарно моторно возило „Ивеко“ поминал на црвено светло на семафор, а откако полициските службеници му ја побарале сообраќајната дозвола и му укажале дека ќе му биде изречена глоба, Б.Е.Г. во сообраќајната дозвола ставил пари (евра) и рекол дека тоа го направил за да се почестат, односно да не му изречат глоба, соопшти МВР.

Полициските службеници веднаш го лишиле од слобода Б.Е.Г. за сторено кривично дело „давање поткуп“ по чл.358 од КЗ. Известен е јавен обвинител и по документирање на случајот против Б.Е.Г. до ОЈО Скопје ќе биде поднесена кривична пријава по брза постапка.

Претходна вестКазнети 261 возач во Скопје
Следна вестСДСМ и ВМРО-ДПМНЕ пак си разменија соопштенија…