Голем пожар попладнево изби во атарот на с. Руѓенце, Општина Старо Нагоричане кој прво зафати висока трева а потоа и шума, информира попладневно Стојанче Ангелов, директор на Центарот за управување со кризи.
Тој се упатил на терен каде се преземаат мерките за локализирање на огнот.
-Ненадејноот силен ветер брзо го раширил пожарот поради што е изгубена почетната контрола врз него. Неколкумина жители заедно со пожарникарите од Старо Нагоричане се обидуваат да ги заштитат објектите, информира Стојанов.
Тој рече дека поради загрозувањето на куќи и викендици и брзото ширење на пожарот поради силниот ветер, ангажиран е еден полициски хеликоптер и еден Ер трактор на ДЗС.
