Пожар претпладнево избувна во стан во петкатна зграда во скопската населба Хром. Во информацијата што ја објави телевизија Телма се наведува дека густ црн чад излегува од станот којшто се наоѓа на четвртиот кат од зградата. Од објавената снимка се гледа дека огнот го зафатил целиот стан.
Противпожарни екипи во моментов интервенираат во негово гасење. Станарите се евакуирани од објектот.
За сега не е позната причината, увидните екипи допрва треба да утврдуваат што го предизвикало. Нема информации дали има жртви или повредени.
Фото: Принтскрин
