Пожар на којшто му претходила експлозија се случил ноќеска во скопската населба Капиштец, информира полицијата.
МВР соопшти дека денеска во 02.15 часот во Полициската станица Центар од страна на чувар во угостителски објект на ул.„Народен фронт“ било пријавено дека околу 01.50 часот во објектот слушнал експлозија, по што настанал пожар, со кој бил зафатен инвентарот на објектот.
Екипа на Бригадата за противпожарна заштита Скопје го изгаснала пожарот, а повредени лица нема.
Увид на местото извршила екипа од СВР Скопје.
