Моторџија тешко се повредил откако удрил во овци кои го минувале патот. Несреќата се случила на магистралниот пат Велес-Штип,32 клучка за село Каратманово.
– На 08.10.2023 во 16.30 часот во Полициската станица Свети Николе било пријавено дека на магистралниот пат Велес-Штип, клучка за село Каратманово, мотоцикл „сузуки“ со светиниколски регистарски ознаки, управуван од Д.А.(36) од с.Ерџелија, светиниколско, удрил во овци кои преминувале преку патот и паднал, информираат од МВР.
Во несреќата со тешки телесни повреди се здобил мотоциклистот, констатирани во Општата болница Велес.
Извршен бил увид од увидна екипа од Полициската станица Свети Николе.
