На подрачјето на Македонија денеска претпладне по одделни котлини ќе има појава на магла или ниска облачност, а попладне променливо облачно со кратки сончеви периоди. Кон крајот на денот најпрвин во западните, а во текот на ноќта и во југоисточните делови ќе има повремен дожд. Претпладне ќе дува слаб до умерен јужен ветер кој во попладневните и во вечерните часови вдолж Повардарието ќе засилува.
Утринската температура ќе се движи од – 1 до 5 степени, а дневната од 1 до 16 степени.
Во Скопје претпладне со појава на магла или ниска облачност, а во текот на денот променливо облачно со слаб променлив ветер.
Температурата изутринава изнесуваше 2, а преку ден ќе достигне 12 степени.
