Елиф Елмас е во центарот на вниманието на фановите на РБ Лајпциг од првиот ден откако го облече дресот на бунделсигашот. Нашиот репрезентативец, познато е, по четири сезони се реши да го напушти Наполи и својата кариера ја продолжи во еден од најдобрите германски клубови.
Германскиот претставник во Лигата на шампионите од пред неколку дена е на подготовки во Шпанија, а медиа-тимот на РБ Лајпциг направи видео со македонскиот репрезентативец, на кое Елмас одговараше на прашања од типот – кој е твојот идол, кој е македонскиот „ГОАТ?“…
Елмас запрашан кој е најдобар фудбалер во историјата на македонскиот фудбал вели: Пандев!
Ако бира меѓу Меси и Роналдо би го одбрал Меси, а идол му е Роналдињо
Елмас и соиграчите ќе тренираат во Шпанија до седми јануари, а потоа ќе се вратат во Германија. Шанса за деби во дресот на „биковите“ Елмас ќе има на 13 јануари, во натпреварот против Ајнтрахт Франкфурт на „Ред Бул Арена“.
