Лефков и ВМРО-ДПМНЕ или треба да ги докажат обвинувањата или треба да престанат да лажат за претседателот на СДСМ. Една иста повторена или фабрикувана лага која како папагали ја повторуваат не може да стане вистина, ако на тоа се надева Лефков, реагираат од опозициската СДСМ откако пратеникот на ВМРО-ДПМНЕ, Миле Лефков денеска побара, Венко Филипче да каже како со плата се купува „ауди Q8“ и се гради хациенда на Водно.
„Ова е лоша копија на старото ВМРО-ДПМНЕ кое не се занимава со потребите на граѓаните туку со црна кампања против опозицијата.
Откако Владата ја наполнија со инкриминирани кадри, од Игор Јанушев до Коце Трајановски ВМРО-ДПМНЕ и Лефков немаат никаков легитимитет да зборуваат за криминал и корупција. Половина од членовите на раководство имаат дебели криминални резимеа, од насилници до организирани криминалци“, велат од СДСМ.
Тоа што ВМРО-ДПМНЕ демонстрира голем страв кон претседателот Венко Филипче, според партијата вго опозиција, само потврдува дека СДСМ се менува во правилна насока.
