Европската ракометна федерација (ЕХФ) го потврди распоредот на натпреварите и термините за групната фаза во Лигата на шампионите.
Ракометарите на македонскиот првак Еурофарм Пелистер се во групата „А“ со Висла Плоцк, Веспрем, ПСЖ, Фредерициа, Фуксе Берлин, Спортинг и Динамо Букурешт.
Прв ривал на битолската екипа ќе биде еден од фаворитите во групата, ПСЖ, на 11 септември во Париз (20.45 часот).
Во рамките од второто коло Еурофарм Пелистер ќе го има својот прв домашен меч против германскиот Фуксе Берлин на 18 септември во салата „Боро Чурлевски“ со почеток од 20.45 часот.
Во групата „Б“ се екипите на Алборг, Магдебург, Барса, Келце, Пик Сегед, Нант, Загреб и Колстад.
