Жан Павлов е победник на првото Државно квиз првенство на Македонија што се одржа во просториите на Лабораториум.
Со овој натпревар официјално беше означен почетокот на новата сезона 2024-2025 на квизови, во организација на Македонската квиз асоцијација.
Павлов победи со 115 поени, само четири повеќе од второпласираниот Илија Стевков и шест повеќе од Бари Исени на третото место.
Учесниците во поединечна категорија во две сеанси од по еден час одговораа на вкупно 200 прашања од осум теми.