Таравари: Договорот беше прво да се донесе Законот за правична застапеност на сите заедници, уставните судии избрзаа

Владината коалиција имала договор прво да се донесе Законот за правична застапеност на сите заедници, меѓутоа не само етничка припадност, туку и за други категории, изјави денеска Арбен Таравари, министер за здравство од редовите на колаицијата „Вреди“.

Тој смета дека неодамнешната одлуката на Уставниот суд за стопирање на „балансерот“ е избрзана

– Уставниот суд, за жал, се судии кои што се избрани и иако судиите треба да бидат неутрални. Меѓутоа, мислам дека не ни требаат вакви тензични состојби во овој период. Напротив, ние и така имавме договор со ВМРО-ДПМНЕ пред да почне коалицијата дека треба да се договориме за Законот за правична застапеност на сите заедници и потоа „балансерот“. Меѓутоа, некако се избрза. Некој можеби сакаше да се зборува за ова и да се дефокусира од другите побитни теми, изјави Таравари, одговарајќи на новинарски прашања по потпишување на договорот за грант меѓу Јапонската амбасадаа и УК за детски болести.

Продолжувам, посочи Таравари, на ставот дека „балансерот“ беше добра алатка, меѓутоа во последно време беше доста злоупотребена.

– Во албанските општини се пишуваа како Македонци, за да се вработат Албанци, а генерално во државната централна администрација повеќе Македонци се пишуваа како Роми, Турци, Албанци за да бидат примени на работа. И тоа, веќе беше алатка што се злоупотребуваше на големо. Мораме да најдеме решение за да сите категории на луѓе бидат застапени во државната администрација, изјави Таравари.

Претходна вестПарите од иселениците ќе стасуваат истиот ден, а ќе заштедат и 16 милиони евра
Следна вестПалевски: Дупката е претходно копана, значи, за да биде убиена, не за да се бара откуп