Најмалку четири лица загинаа, а десетици се повредени во масовно пукање во Бирмингем, Алабама, соопшти полицијата.
-Повеќемина испукаа повеќекратни куршуми врз група луѓе во јужниот дел на градот „Фајв Поинтс саут, изјави полицаецот Труман Фицџералд од Бирмингем.
Полицијата на местото на настанот пронашла тела на двајца мажи и една жена, а четвртата жртва починала од рани од куршуми во болница, рече тој.
Детективите истражуваат дали вооружените напаѓачи отишле до жртвите или поминале покрај нив, додаде Фицџералд. Ниту еден осомничен не е уапсен. Инаку, областа „Фајв Поинтс“ е позната по својот ноќен живот.
Зборувајќи за повредените, Фицџералд им рече на новинарите: „Имаме десетици жртви од огнено оружје од оваа област. Ми кажаа дека најмалку четири од тие жртви се во животна опасност“.
Оваа година имаше повеќе од 400 масовни престрелки низ САД, според Архивата за огнено насилство, која го дефинира масовното пукање како инцидент во кој четири или повеќе лица се повредени или убиени.
