Двајца студенти се повредени во денешниот напад пред ректорската зграда на Универзитетот во Нови Сад, каде што треба да се одржат изборите за Студентски парламент на Филозофскиот факултет, што групата СТАВ ги смета за нелегитимни, пренесува агенцијата Бета.
Студенти од групата СТАВ рано утринава се собраа пред Ректорат за да спречат ново гласање, јавува 021.rs. Како што соопшти здружението „Став“ на социјалните мрежи, кон нив била фрлена експлозивна направа околу 5.30 часот.
Мила Пајиќ, студентка на Филозофскиот факултет во Нови Сад и активистка на неформалната група СТАВ (Студенти против авторитарната власт) и Срѓан Ѓуриќ, студент на тој факултет, биле нападнати од непознати лица и обезбедувањето на зградата на Ректоратот, изјави Ѓуриќ.
Како што изјави Ѓуриќ за Бета, инцидентот се случил околу шест часот кога студенти и активисти на групата СТАВ дошле во зградата на Ректорот каде што треба да се одржи вториот круг од изборите за Студентскиот парламент на Филозофскиот факултет во Нови Сад, кој овие студенти ги сметаат за нелегитимни бидејќи учествува само една листа.
Таму забележале група од триесетина млади мажи облечени во црно со маски кои фрлиле експлозивна направа пред нозете на студентите, додаде Ѓуриќ, велејќи дека тој и Мила Пајиќ се нашле меѓу обезбедувањето на Ректоратот и непознати млади момчиња во црно, па биле нападнати од две страни.
Изборите за Студентски парламент на Филозофскиот факултет во Нови Сад, кои повеќепати беа блокирани од студенти од организацијата СТАВ кои тврдат дека изборите се нелегитимни бидејќи на нив учествуваат само претставници од листата на Студентскиот сојуз e презакажана за понеделник
