Скопје утрово се најде на врвот на листата на најзагадени градови во Европа и на десеттото место во светот, според податоците на платформата IQAir. Индексот на загаденост изнесува 169, што го става главниот град на Македонија во категоријата на небезбеден воздух за дишење.
На светско ниво, најзагаден град утрово е Делхи, зад кој следуваат Акра, Каиро, Карачи, и Бишкек. Скопје, иако е далеку помал од овие мегаполиси, повторно се истакнува со високи нивоа на загаденост.
Надлежните апелираат граѓаните да избегнуваат подолг престој на отворено, особено оние со хронични заболувања, деца и постари лица. Се препорачува користење на јавен превоз и минимизирање на употребата на приватни возила, со цел да се намали дополнителното загадување.
Загадениот воздух останува хроничен проблем за Скопје, барајќи итни мерки за подобрување на квалитетот на живот на граѓаните.
