Цело време во Македонија се повторува дека влезот во ЕУ ќе ни носи многу придобивки и дека една од нив е – влезот во Унијата ќе не спасел од иселување на младите. Како е во Хрватска која е во ЕУ?
За само седум години, од 2013 година кога Хрватска стана членка на ЕУ, па до крајот на 2019 година, останала без околу 200.000 жители, покажуваат податоците на тамошниот државн Завод за статистика.
Според податоците, Хрватска кон крајот на 2012 година, пред нејзиното приклучување во Унијата, имала малку повеќе од 4,26 милиони жители, а кон крајот на 2019 година населението изнесувало помалку од 4,06 милиони.
Локалните медиуми објавуваат дека поразителната демографска слика е последица на негативниот природен прираст, односно поголем број на починати отколку родени, но и на значително поголемото масовно иселување, кое е резултат на отворањето на пазарите на труд во останатите земји членки на ЕУ за хрватските државјани.
