В понеделник на состанокот со Алијанса на Албанците и на Алтернатива ќе се затвори прашањето начинот на кој ќе се добива државјанство, на чие решавање инсистираат овие две партии кои поднесоа и предлог-закон со чие донесување го условуваат одблокирањето на Собранието.
Премиерот Зоран Заев денеска беше сигурен дека решението ќе се постигне в понеделник, како што рече, знаејќи ги сите детали од анализите, и по средбите со министрите за правда и за внатрешни работи.
Тој не откри детали, туку само кажа дека условите ќе бидат исти како и регионот и во Европа, но решението ќе им го остави да го соопштат Гаши и Села.
Законското решение ги опфаќа и барањата на опозицијата, а целта е граѓаните кои бараат државјанство да го добијат.
