Три лица се повредени во сообраќајната несреќа во која учествувале четири возила во Кочани.
Имено, вчера, во 15.58 часот, во Полициската станица Кочани било пријавено дека на улицата Страшо Ербапче во Кочани се случила сообраќајна несреќа помеѓу патничко возило „даеву“, со штипски регистарски ознаки, управувано од Д. С. (62) од Кочани, патничко возило „фолксваген“, управувано од К. П. (49) од Кочани, патничко возило „фолксваген“, управувано од С. Р. (36) од Кочани и патничко возило „опел“, управувано од Ј. Б. (54) од Кочани, сите со кочански регистарски ознаки.
Во несреќата тешки телесни повреди добиле К. П. и сопатничката од возилото „опел“, Н. Б. (50) од Кочани, а Ј. Б. добил телесни повреди, констатирани во Јавната здравствена установа во Кочани и во Клиничката болница во Штип.
Извршен бил увид од екипа од Полициската станица Кочани.
