Времето денес во Македонија во поголем дел од денот ќе биде сончево со мала локална облачност.
Претпладне по одделни котлини има појава на магла или значителна ниска облачност, Ќе дува слаб до умерен ветер од јужен правец.Минималната температура е во интервал од -2 до 4, а максималната ќе достигне од 9 до 17 Целзиусови степени.
Во Скопје и околината денеска претпладне има појава на магла, а во текот на денот ќе биде претежно сончево со слаб јужен ветер. Минималната температура се спушти до 0, а максималната ќе достигне до 11 Целзиусови степени.
Утре во текот на денот облачноста ќе се зголемува. Од петок следува период на променливо облачно време со повремени локални врнежи од дожд, а на планините и на некои повисоки места од снег. Дневните температури ќе бидат во опаѓање.
