Одлука со која се врши намалување на малопродажните цени на нафтените деривати во просек за 0,82 отсто денеска донесе Регулаторната комисија за енергетика и водни услуги. Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, а малопродажната цена на ЕУРОДИЗЕЛ (Д-Е В) не се менува. Малопродажната цена на Екстра лесното масло за домаќинство (ЕЛ-1) се зголемува за 0,50 ден/лит, ддоека таа на мазутот М-1 НС се намалува за 0,859 ден/кг и сега ќе изнесува 50,044 ден/кг.
Од ноќеска на полноќ моторен бензин ЕУРОСУПЕР БС – 95 ќе чини 101,00 (денари/литар), моторен бензин ЕУРОСУПЕР БС – 98 103,00 (денари/литар), Дизел гориво ЕУРОДИЗЕЛ БС (Д-Е В) 100,00 (денари/литар), Масло за горење Екстра лесно 1 (ЕЛ-1) 98,50 (денари/литар) и Мазут М-1 НС 50,044 (денари/килограм).