Општината Лозово донесе одлука за бесплатна градинка за сите деца согласно максималниот капацитет и бесплатен оброк за сите деца од прво до петто одделение во ООУ „Методи Митевски-Брицо“. Општината со овие две нови мерки ќе ги помага родителите во време на економската криза.
– Како човек кој потекнува од Работничко семејство точно знам со какви финансиски предизвици се соочувале моите родители за да ни обезбедат пристојни услови за раст и развој кои секој родител ги посакува за своето дете. Од собраните досегашни искуства, за тој да биде правилен и детето да го достигне својот полн психофизички капацитет, неопходно е да се обезбедат соодветни услови кои подразбираат здрава и избалансирана исхрана, како и нормална средина во којашто детето ќе расте и ќе се развива. За жал голем процент од граѓаните, не можат да ги овозможат овие услови на сопствените деца поради финансиските потешкотии со кои се соочуваат, напиша градоначалникот Бошко Цветковски на ФБ.
