По нејзиното барање разрешена е Иринка Сотирова- Бухова од должноста в.д. директор на Државниот санитарен и здравствен инспекторат, соопшти денеска Владата по одржаната седница.
-За в.д директор на Државниот санитарен и здравствен инспекторат именувана е Рената Младеновска, се наведува во соопштението.
Разрешувањето на Бухова, на која мандатот и истече во април годинава, се навестуваше уште во август. Но, тогаш, оваа точка од дневниот ред на владината седница беше тргната. Во тој период опозициската партија ВМРО-ДПМНЕ ја обвини дека паралелно со функцијата била ангажирана во приватната очна клиника „Промедика“ каде правела операции без дозвола.
