Пет пожари се активни на територија на Mакедонија, информира изутринава Центарот за управување со кризи. ЦУК соопшти и дека вчера биле регистрирани вкупно 49 пожари и се изгаснати 44.
Во Општина Долнени има три пожари: кај село Зрзе со еден крак во село Рилево и еден крак во село Сливје, и кај селата Кошино и Костинци. Пожар има и во село Бељаковце во Општина Куманово и во село Долна Ѓоновица во Општина Гостивар.
