Вчерашниот последен ден од викендот донесе најмногу казни поради брзото возење, покажува полицискиот извештај за конторлите на скопското подрачје. Се чини дека возачите се опуштија и не внимаваа на почитувањето на правилата мислејќи дека нема полициски контроли.
-На територија на град Скопје изречени се вкупно 187 мерки, меѓу кои за возење повеќе од дозволената брзина 134 санкции, соопшти МВР.
Имало и девет мерки за возење без возачка дозвола, девет санкции за возење под дејство на алкохол…
Сообраќајните контроли продолжуваат и во наредните денови.
-Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта,укажуваат од МВР.
