Министерството за животна средина и Град Скопје помогнати од УНДП поставија т.н. мониторинг станица за мерење на нивото на загадување во воздухот во училиштето „Јоаким Крчовски“ во Волково. Целта на нејзиното поставување е да се мерат поединечните извори на загадување па врз основа на тоа да се креирале политики за заштита и унапредување на квалитетот на воздухот.
Станицата ќе стои 15 дена во дворот на ова, а потоа на друго училиште. Но што е со реалните мерки, до кога само ќе го мериме воздухот за кој веќе со години е јасно колку е загаден-прашуваат граѓаните.
– Град Скопје ги даде парите за украсување на градот, а мернава станица УНДП ја купи, наместо парите да се пренаменат во борбата со ковид 19, за децата кои немаат компјутери?!
– И онака само мерите, со прст не мрднавте за загадувањето, па сега уште една станица на скопјани нема ништо да им смени! Со здравје да си ја користите!
– И после откако ќе ги утврдите поединечните загадувачи, што ќе направите, ќе ги казните или како?! Ниедна фабрика не плати ништо а го угушија градот…
Ова се само дел од реакциите на граѓаните кои ги следат на интернет ваквите објави.
Не треба ни да се заборави дека мерни станици за отвровни ПМ 10 честички веќе постојат на повеќе локации низ главниот град и државата, па никогаш не придонесоа за конкретни дела за намалување на загадувањето – освен што ги вознемируваа граѓаните и се вест за медиумите. Локалните власти и оваа година, покрај тоа што речиси едногласно решија, не направија скоро ништо за да се справат со аерозагадувањето. И годинава Скопје ги урива светските црни листи на угушени градови, а зимата допрва доаѓа.
