Претседателот на државата Стево Пендаровски синоќа во интервјуто за емисијата „Click Plus“ на ТВ21 најави дека до крајот на месецот ќе биде свикан Советот за безбедност.
-Имаме среќа и поволна околност и што сме членки на НАТО и ги добиваме брифинзите од советот за безбедност на ЕУ. Советот за безбедност секако ќе биде свикан во следните 7-10 дена да ги усогласат агендите на првите луѓе во Владата. Покрај војната Израел – Хамас, Косово ќе биде тема, Украина ќе биде тема. Сакаме уште војници да однесеме во Косово, рече Пендаровски.
