Необичен инцидент се случил во Уганда кога двегодишно дете било проголтано и исплукано од нилски коњ додека си играло во близина на својот дом крај езерото. Пол Ига бил во устата на нилски коњ на само неколку стотини метри од работ на езерото Едвард во Уганда, јавуваат странските медиуми.
За среќа, локален жител Криспас Багонза бил сведок на инцидентот и почнал да го гаѓа нилскиот коњ со камења во обид да го спречи да го изеде детето. Нилскиот коњ веројатно бил изненаден од ова и го плукнал детето пред да се врати во водата.
Пол за чудо го преживеал овој грозоморен напад, по што бил пренесен на лекување во клиника. Тој помина со само неколку полесни повреди. Детето наводно било однесено во болница во Бвера, но било пуштено откако примила вакцина против беснило.
– Ова е прв ваков инцидент во кој нилски коњ излегол од езерото Едвард и нападнал мало дете.
Потребна била храброст на еден Крипас Багонза, кој бил во близина, да ја спаси жртвата откако го каменувал нилскиот коњ и го исплашил, принудувајќи го да ја ослободи жртвата од устата, се вели во соопштението на локалната полиција.
Се проценува дека нилските коњи убиваат најмалку 500 луѓе годишно во Африка, пренесе Новости.рс.
