Австралискиот фармер Колин Деверо тврди дека преживеал напад на крокодил, откако му возвратил на животното, гризнувајќи го во лицето. Фармерот поминал еден месец во болница откако бил каснат од крокодилот во близина на неговата фарма.
– Во борбата за опстанок, го каснав крокодилот за очниот капак, изјави Деверо за Еј-Би-Си. Тој вели дека го сретнал крокодилот откако застанал покрај езерото додека патувал во близина на реката Финис минатиот месец за да изгради ограда.
Застанал покрај езерото откако забележал како пливаат риби. Откако се приближил до езерото, крокодилот го каснал за десната нога, го затресол и го вовлекол во езерото. Деверо изјави за Еј-Би-Си дека прво се обидел да го удри крокодилот во ребрата со другата нога, но дека тоа не му успеало.
– Бев во таква непријатна положба. Моите заби случајно му го фатија очниот капак. Беше прилично дебел. После тоа, очниот капак се згрчи и крокодилот ме пушти. Побрзав до местото каде што го паркирав автомобилот. Крокодилот ме бркаше можеби неколку метри, но потоа застана, изјави фармерот.
Австралиецот вели дека користел крпа и јаже за да го запре крварењето во ногата, пред неговиот брат да го одвезе 130 километри северно до болница.
