Одземени се две пушки, возило и седум отстрелени фазани од тројца ловокрадци кои подолго време вршеле недозволив лов во скопското ловиште „Трубарево 7“. Компанијата Ада Петра ДООЕЛ информира дека од нивната чуварска служба се фатени ловокрадци со нивниот незаконски улов на ситен дивеч.
-Ловокрадците се фатени во незаконит лов. Фатени се од ловочуварската служба на концесионерот АДА Петра ДООЕЛ во Трубарево“ информираат од компанијата.
Според информациите, тројца ловокрадци, вчера беа фатени на дело, во неловен ден, без дозволи за лов, при криволов на фазани во ловиште „Трубарево“ со 7 отстрелани фазани. Животните ги ловеле од теренско возило во движење по нивите во ловиштето во Скопскиот регион. Еден од ловокрадците возел, а другите пукале од едната и од другата страна на возилото. Инаку, ловокрадците, според сознанијата на концесионерот, на ист начин веќе подолго време го пустошеле ловиштето.
Концесионерот на ловиштето постапил, согласно законот: ги одзел средствата за лов, двете пушки и возило и секако незаконски застреланиот дивеч и случајот го пријавил во МВР, по што следува законска процедура за казнување на ловокрадците.
Законот предвидува строги казни за вакви дела коишто се во Законот за ловство набележани во делот Прекршочни одредби од членот 77, па до член 84 на закон. Конкретниот престап опфаќа дека, покрај одземањето на средствата и предметите за лов и дивечот, и парична казна по повеќе ставови од посочениот член, како и надокнада за застреланиот дивеч. Постапката е во надлежност на Прекршочната комисија на Министерството за земјоделство, шумарство и водостопанство, а висината на казната од овој Закон за ловство се усогласува и според Законот за прекршоци.
