Хамас им порачал на Палестинците кои живеат во Газа да не ги напуштаат своите домови, се вели во соопштението испратено до медиумите. Вооружената група која управува со Појасот Газа го обвини Израел за вклучување во „психолошка војна“ со испраќање пораки во кои им се кажува на палестинските цивили и работниците на меѓународните организации да се евакуираат на југ.
– Окупаторите шират лажна пропаганда со различни средства, со цел да создадат конфузија кај граѓаните и да ја поткопаат стабилноста на нашиот внатрешен фронт, се вели во соопштението.
Вработените во „меѓународните институции“ останаа на своите места и не се евакуираа, се вели во соопштението за медиумите.
Си-ен-ен независно не го потврди тоа тврдење. Израел продолжи да ја бомбардира Газа како одговор на терористичките напади на Хамас во кои загинаа повеќе од 1.300 луѓе и мобилизираа повеќе од 300.000 резервисти долж јужната граница со Газа. Израелската армија денеска ги повика сите цивили во градот Газа да се евакуираат „на југ“.
ОН соопштија дека наредбата 1,1 милион луѓе да го напуштат северниот дел на Газа е „невозможна“ без големи хуманитарни последици.
Агенцијата на Обединетите нации за помош и работа (UNRWA) соопшти дека го преселила својот централен оперативен центар и меѓународниот персонал во Газа на југ од опколената енклава.
